तुला गीत माझे कळू लागले
पुन्हा सूर सारे जुळू लागले
पुन्हा सूर सारे जुळू लागले
कसे सांग टाळू तुला पाहणे?
(तुझे केस गाली रुळू लागले....)
(तुझे केस गाली रुळू लागले....)
मनाला कुठे लाभली शांतता?
- जरी चार पैसे मिळू लागले...
- जरी चार पैसे मिळू लागले...
जरा मुक्त करता जुनी बंधने
नवे पाश ते आवळू लागले
नवे पाश ते आवळू लागले
तुला, जीवना, थोपवू मी कसे?
कडे आज हे कोसळू लागले…
कडे आज हे कोसळू लागले…
- कुमार जावडेकर
No comments:
Post a Comment